A DONETA CH'ANDAVA AA FEA
Da wikiSpedia.
Versione delle 13:49, 9 set 2011, autore: Gattuso (Discussione | contributi)
| Dialetto | Italiano |
|---|---|
| Cos'a voré 'n veità, dunca na vota la gh'ea na donetina picenina picenina, che la se n'andava aa féa. | |
| Quando l'è 'n féa la diza: | |
| Cos'a me cateò me, ch'a son cossì picenina? | |
| E la zia, la zia, la zia, ma la ne treva gnente che sia propio adatà per le. | |
| Finarmente, dopo tanto ziae, la treva n'ometin picenin picenin, anca ciü' picenin che le. La se 'r cata, e tüta contenta la se 'r meta ent'en grüpeto e la se 'n torna a ca. | |
| E camina camina, ècheve che 'n mentre che l'è pea strade se meta n'aigua grossa come i pomi, e a sta povea donetina se ghe bagna tüto l'ometin drento ar grüpeto. | |
| Apena l'ariva a ca, tüta despeà sta povea donetina l'assenda sübito 'n beo fego, e la meta l'ometin tüto bagno a sügae sorve ar camin. | |
| Ma ècheve, cos'a voré 'n veità, che 'n mentre che l'ometin i è 'nsima ar camin ch'i süga, se meta 'n vento forte forte, ch'i 'r fota drento ar forneo. | |
| A doneta a 'n serto pünto la va per vede se o sé ometin i è assüto, e 'nvece la n'o treva ciü'! Pensé 'n po' se sta povea donetina la se meta a cianze e a despeasse! Ma ghe ven sübito 'n mente ch'i podeai esse caìto drento ar forneo, e trovasse 'n mezo aa sendea. | |
| Come de fati, la pia 'n südasso, la o encia de sendea coa paeta, e südassa, südassa, ècheve che en fondo gh'aresta l'ometin picenin, tüto sporco de sendea. | |
| Aloa adonetina cosa la fa? la o lava, e la o neteza ben, e la 'r meta en sima aa fenestra a sügae. | |
| Ma la passa na sinsaa, e la se 'r porta via soto a l'aa. | |
| Foa 'n sà, foa 'n là, | |
| A mé foa la se n'è andà. |
} |
